Ваша електронна бібліотека

Про історію України та всесвітню історію

Наскрізний зріз української історії від найдавніших часів до сьогодення

Уривок з Уставу Володимира Мономаха (початок XII ст.)

Володимер Всеволодичь по Святополце, созва дружину свою на Берестовем: Ратибора Киевьско[го] тысячьского, Прокопью Белогородьского тысячьского, Станислава Переяславського тысячьского,Нажира, Мирослава, Иванка Чюдиновича Олгова мужа, и оуставили до третьаго реза, оже емлеть в треть куны; аже кто возметь два реза, то то ему взяти исто; паки ли возметь три резы, то истаему не взяти. [...]

А се наклади. А се наклады: 12 гри[вен], отроку 2 гри[вны] и 20 кун, а самому ехати со отроком на дву коню, сути же на рот овес, а мясо дати овен любо полоть, а инемь кормомь, что има черево возметь, писцю 10 кун, перекладнаго 5 кун, на мех две ногате. [...]

О заднице боярстеи и о дружней. Аже в боярех любо в дружине, то за князя задниця не идеть; но оже не будеть сынов, а дчери возмуть. [...]

А се закладаюче город. А се оуроци городнику: закладаюче городню, куну взяти, а кончавше ногата; а за корм, и за вологу, и за мяса, и за рыбы 7 кун на нед[е]лю, 7 хлебов, 7 оуборковпшена, 7 лукон овса на 4 кони; имати же ему, донеле город срубять, а солоду одину дадять 10 лукон.

О мостницех. А се мостнику оуроци: помостивше мост, взяти от 10 локот по ногате; аже починить моста ветхаго, то колико городнє починить, то взяти ему по куне от городнє; а мостнику самому ехати со отроком на дву коню, 4 лукна овса на нед[е]лю, а есть, что можеть. [...]

А се оуроци судебнии. А се оуроци судебнии: от виры 9 кун, а метелнику 9 векошь, а от бортное земли 30 кун, а о инех о всех тяжь, кому помогуть, по 4 куны, а метелнику 6 векошь. [...]